"Ansans" vesen...

Þar fauk í síðasta skjólið, Ísland er glatað, fær aldrei að vera "memm", forsetafíflið og lýðurinn eyðilagði alltsaman, með því að neita að borga kröfurnar frá ESB landinu Bretlandi, kröfurnar sem reyndar eiga sér engann lagalegann staf í regluverki ESB, en samt "ANSANS" vesen.

Þessari endaleysu ætlar greinilega aldrei að ljúka, enda lýkur endaleysum aldrei, nema fyrir fólki með bein í nefi, fólki sem vill áfram og upp, ekki hjakka í sama farinu sem núna er komið í ljós að er bara í hring, lítinn þröngann hring.

Þetta er bara enn ein áminningin um hversu djúpt sokkið sumt stjórnmálafólk er í fen "arð/auðræningja" og þeirra bábilju um að "lýðurinn" á alltaf að bera kostnaðinn af mistökum þeirra, en ekki njóta afrakstursins þegar betur tekst til, ég þarf ekkert að tína til nein dæmi þessu til sönnunar, þau blasa við allstaðar.

Á meðan við ekki tökum höndum saman og hreinsum óværuna út úr eigin hug, þingi og stjórnarsölum, þá getum við ekki reiknað með að bandalag sem er svo gegnsýrt sömu óværunni, verði landi og þjóð til bjargar, það er aðeins í höndum þjóðarinnar sjálfrar, en "síbiljan" og "heilaþvotturinn" glepur okkur til að karpa um hluti sem sundra okkur, á meðan sjáum við ekki allt það góða sem sameinar okkur og getur gefið okkur styrkinn og samkraftinn sem til þarf til breyta Íslandi í það "Besta land í heimi" sem það í raun er, það er bara í gíslingu ræningja eins og er, gráðugra ræningja sem njóta stuðnings huglausra og spilltra pólítíkusa.

MBKV frá hinu norðurlandinu sem enn er utan ESB

KH

Greiðsla Icesave forsenda ESB-aðildar

Fróðlegt ? já Mikilvægt ? Tjaaa...

Það er engin, eða allavega lítil ástæða til að rengja þessar niðurstöður, þó svo aðferðin "Ecological Footprint" sé umdeild, svo vægt sé til orða tekið.

En svo vaknar spurningin hvort og hvaða máli þetta skiftir, svona á veraldarvísu, hvaða áhrif 320000 "bruðlandi" íslendingar hafi nú á tæmingu jarðar, en okkur fjölgar jú, en það gerist út um allann heim einnig, ekki bara fjölgar mest í Kína og Indlandi, þessar þjóðir eru í stórauknum mæli að nálgast okkur í "bruðli"  pr. einstakling, á meðan neyslan hefur staðnað, jafnvel minnkað á Íslandi.

Svona til að fá skiljanlega mynd á þetta "linka" ég að gamni á "teljara" fyrst  þennan sem telur fjölgun allra jarðarbúa, svo þennan  sem telur fjölgunina í Kína, og já við verðum lítil í svona samhengi, svo hvaða máli þessar upplýsingar "masterstúdentsins" skifta öðru en að sýna hvað hann kann, er erfitt að sjá, æ ! jú gleymdi þjóðarstoltinu, en við erum best og mengum minnst vestrænna ríkja, einfaldlega af því við erum minnst, er ekki hægt að vera stoltur yfir bara því ??

Lýk þessu "tölvupári" svo með þessum pistli , þar sem þetta stendur m.a.:

Eksperter mener nå at internett med sine tusenvis av pc-er og store haller med servere, bidrar til like store eller kanskje større CO2-utslipp enn verdens samlede flytrafikk.

Sérfræðingar halda nú fram að internetið með sínar þúsundir talva og risanetþjóna, valdi jafnmikilli CO2 mengun og öll flugumferð í heiminum.

Svo mörg voru þau orð, held ég bara slökkvi á tölvunni og fari að leggja mig, sofandi syndgar ekki, eða þannig.

Góða nótt og sofið rótt landar góðir, ekki láta þessar pælingar eyðileggja nætursvefninn.

KH

Íslendingar neyslufrekasta þjóðin

Já það er, var og verður "Besta land í heimi"

Já þrátt fyrir allt, stend ég við fyrirsögnina, kem að því neðar í pistli, en fyrst eitt og annað um "vitnaleiðslu" SJS

„Steingrímur J. Sigfússon, efnahags- og viðskiptaráðherra, bar vitni fyrir landsdómi í dag“

Mikilvægt vitni þarna á ferðinni, vitni til að hjálpa þeim sem fella eiga dóminn yfir Geir Haarde, við að komast að réttri niðurstöðu, eða......

... hvað leggja þeir í  þessar hugleiðingar SJS: 

„Sú stemning hafi verið uppi í þjóðfélaginu að „Ísland væri best í heimi" og áhyggjurnar því óþarfar.“

Svo fara þessar vitnaleiðslur bara „batnandi“  byrjar að tala um eigið ágæti og ábyrgðartilfinningu og að hann ásamt örfáum öðrum hafai haft rænu á að hafa áhyggjur og vara við.

„Steingrímur tók það sem dæmi um aðvaranir sínar að hann hafi ásamt nokkrum þingmönnum VG lagt fram tillögur á árinu 2005 um aðgerðir til að tryggja efnahagslegan stöðugleika í frumvarpi“

Kannski er undirritaður að hengja sig upp í tittlingaskít, en sjáið samt orðalagið hér:

Fram kom í máli Steingríms að það hefði komið honum á óvart að allir þrír bankarnir skyldu hrynja. Hann hefði átt von á að einn eða tveir bankanna ættu í erfiðleikum en ekki að þrír myndu falla. Það er ekki bara LÍTILL munur á því að hafa áhyggjur af því að bankar geti lent í erfiðleikum og því að ALLIR skyldu HRYNJA, þannig að þessi „hvað sagði ég ekki“ dýrðarljómun sem SJS reynir að baða sig í, fellur um sjálfa sig, það sem hann kannski (ásamt fleirum) var að vara við, skeði ekki, heldur annað og miklu verra sem ENGINN sá við, þó margir séu nú að reyna vera klókir eftirá.

Í því sambandi langar mig til að benda á nokkuð sem er augljóst, það að „play safe“ og aldrei taka neina áhættu, getur verið viðeigandi í mörgum tilfellum,  en þegar dæma á góða leiðtoga, er ekki það hvort EKKERT skeði undir þeirra leiðsögn það sem er afgerandi um hvort þeir teljast stórir eða litlir, heldur hitt hvernig þeir bregðast við áföllunum þegar þau dynja yfir, ef SJS og Geir Haarde stæðu báðir frammi fyrir slíku mati í stað þessa skrípaleiks sem landsdómur er, þá er ég ekki í vafa hver færi með sigur af hólmi.

Hvort eftirfarandi ummæli hans og lýsing á kauðalegu ferðunum hans til norðurlandanna, sem allt saman endaði svo með þrælasamningunum við AGS að ekki sé talað um undirgefnina gagnvart Bretum í Icesave málinu, eru krampakennd tilraun til að upphefja sjálfann sig, eða sverta Geir, er ekki gott að segja. En gagnleg fyrir landsdóm geta þau varla verið.

„Steingrímur lýsti við vitnaleiðslurnar samtölum sínum við fulltrúa norrænu seðlabankanna eftir að minnihlutastjórn Samfylkingar og VG tók við völdum með stuðningi Framsóknarflokksins 1. febrúar 2009 og svo eftir að Samfylkingin og VG komust til valda eftir að hafa náð hreinum meirihluta í kosningunum vorið. Hann hafi þá orðið þess áskynja að traust til Íslendinga hefði beðið hnekki.

Það hafi komið „oft upp í þessum samskiptum að það væri ekki mikið traust borið til íslenskra stjórnvalda og að það væri verk að vinna að endurheimta það". „Þeir litu svo á að þeir væru að gera okkur greiða," sagði Steingrímur um samstarf norrænu ríkjanna í gjaldeyrismálum við íslensk stjórnvöld. Hann hefði síðan sjálfur farið í utanferðir til að tryggja sem best kjör á þessum lánasamningum.“

„Þeir litu svo á að þeir væru að gera okkur greiða“ ja hérna nú er létt hjá landsdómi að fella dóminn.

Varðandi fyrirsögn fréttarinnar, þar sem SJS segir í háði auðvitað „Ísland var best í heimi“ vil ég gjarnan vísa þeim sem kunna að villast inn hér á frábærann pistil Ómars Geirssonar við sömu frétt, Ísland var best, er best og verður best áfram ef fólk tekur höndum saman, hættir að láta plata sig í erjur og sundrung um hluti sem eðlilegt er að er að ósammála um, vaka heldur yfir lýðræðinu, finna flötinn þar sem flest okkar eru sammála, flötinn sem við viljum byggja „Besta land í heimi á“ þar sem allir eiga möguleika á að grunnþörfunum sé fullnægt og það án þess að fólk sé útslitið af vinnuálagi, stressi og áhyggjum,

Grunnþörfum ? hvað er það má spyrja um og það með réttu, en ef Hrunið og eftirleikur þess hefur kennt okkur eitthvað, þá ætti það einmitt að vera það, hverjar eru grunnþarfirnar í nútíma, ríku vestrænu samfélagi ?

Þak yfir höfuðið, (eign eða leigt) allt eftir þörfum hvers og eins, menntunarmöguleikar allt eftir óskum, getu og þörfum hvers og eins, atvinnumöguleikar, heibrigðisþjónusta allt eftir þörfum og BÚSETU hvers og eins, almannatryggingar sem létta okkur byrðina í veikindum, við slysfarir, tímabundið eða varanlegra atvinnuleysi, langveikindi og fötlun.

Ísland hafði þetta allt, Ísland HEFUR þetta allt reyndar ennþá, bara án formerkjanna sem eru feitletruð, því miður of oft allavega.

Landið er meira en nógu ríkt af auðlindum til að standa undir þessu öllu saman og meira til, en þá þarf að fara að nota arðinn þar sem á að nota hann, ekki henda öllu í kjaftinn á óseðjandi „ræningjalýð“ sem er með núverandi stjórnvöld í rassvasanum.

Hefði SJS og núverandi meðstjórnendur hans haft brot af leiðtogaeiginleikum Geirs Haarde, auðmýkt og samfélagsábyrgð Ólafs Ragnars og snefil af jarðtengingu, væri land og þjóð löngu komin yfir versta skellinn.

MBKV frá næst besta landi í heimi

KH

  

„Ísland var best í heimi"

Afleiðingar myntbandalaga koma skýrar í ljós

Prófessorinn er tilvitnaður ítarlegra í visir.is þar stendur m.a. "

"Noreng segir að með því að taka upp norsku krónuna fái Íslendingar gjaldmiðil sem sé stöðugur, betri aðgengi að fjármálamörkuðum á lægri kjörum en nú eru í boði og að sparnaður almennings á Íslandi yrði mun betur varinn en með íslensku krónunni.

Hvað Norðmenn varðar fengju þeir einnig sitthvað fyrir sinn snúð að sögn prófessorsins. Norsk króna á Íslandi kæmi í veg fyrir aðild Íslands að Evrópusambandinu og þar með minnkaði hættan á einangrun Noregs í Evrópu. Þar að auki myndi gjaldmiðilssamstarfið leiða til sterkari samningsstöðu þjóðanna beggja gagnvart ESB og Rússlandi þegar kemur að hagsmunamálum á norðurslóðum.

Þá nefnir Noreng að Noregur og Ísland gætu í framhaldinu komið sér upp sameiginlegri stefnu í fiskveiðimálum, hafréttarmálum, málum sem snúa að olíuvinnslu og umhverfismálum.

Umræðan um myntbandalög ýmiskonar gerist æ háværari og margir einblína á það sem einhverja töfralausn á vandamálum íslensks efnahagslífs, þó þar sé aðeins ræðarinn illi að kenna árinni, en kannski er bara rétt setja "ræðarann" á öftustu þófu og láta aðra um róðurinn ef það er það sem fólk vill, en undirritaður er á annarri skoðun, þetta viðtal við norska prófessorinn ýtti bara undir það sem ég vissi.

Það væri kannski ekki úr vegi að spyrja helstu talsmenn þess að taka upp myntbandalag og hætta með íslensku KRÓNUNA, hvað það sé í raun sem er svona ómögulegt við gjaldmiðilinn sem þjóðin er búin að nota í áratugi og kynslóðir, þá á ég við sjálfann gjaldmiðilinn, er það þetta að óábyrg efnahagsstefna gegnum tíðina er búin að rýra hana í nafngildi gegn öðrum "krónum" og annarri mynt, ef svo er hver haldið þið þá að hafi áhuga á að láta sömu vitleysuna rýra álit og virði síns gjaldmiðils án þess að eitthvað annað hangi á spítunni.

Draumar norska prófessorsins í innlegginu á undan segja sitt, hann er til í að "sverta" sinn gjaldmiðil um tíma til ná að völdum á bæði einu og öðru í eigu og umjón íslendinga, sama er auðvitað upp á teninginn með ESB og evruupptöku, þó Brusselliðinu sé nú mjög brugðið við ástandið í "evru" löndunum við miðjarðarhafið.

Eða hvað haldið þið, talsmenn krónuaftöku, að gerist við einhliða myntupptöku, hverju nafni sem hún nefnist: evra,kanada dollar, sænsk eða norsk króna, ef sömu efnahagsstefnunni verður svo haldið áfram ?

Jú jú ! svarið er auðvitað að við "kasta" krónunni og taka upp annan gjaldmiðil, fara í myntbandalag, þá breytist efnahagsstefnan á Íslandi, allt bara "gull og grænir" eins og töfrasprota væri sveiflað, "töfrasprotanum" sem er nú sveiflað yfir Grikklandi er ekki líklegur til að falla íslenskum almenningi í geð, en auðvitað verndar hann þá sem honum er ætlað að vernda.

Það eru nægar auðlindir til á og í kring um Ísland til að tæpar 350000 sálir geti lifað góðu, mannsæmandi og stoltu lífi um ókomna framtíð, sagan kennir okkur það um leið og hún kennir okkur einnig hvernig blind græðgi, valdafíkn og fullkominn skortur á samfélagskennd hefur sent þjóðina í margar fullkomlega óþarfar kreppur, þá síðustu auðvitað stærst og verst.

Reynt var að redda sér útúr klúðri og efnahagsrugli 1950, 60 og 70 áranna, þegar sparifjáreigendur voru rændir, skuldurum í hag (?), með því að setja á verðtryggingu, um líkt leiti voru tekin tvö núll af krónunni, hún semsagt gerð lík þeim skandinavísku í gildi, takið eftir því 1980 var íslenska krónan, dönsk, norsk eða bara sænsk ef þið viljið, hjálpaði það, breyttist efnahagsstefnan eitthvað, ekki lengi allavega, 1 ísl= 1 dönsk 1980, 2 árum seinna skrapp undirritaður í ferð til Danmerkur og þurfti þá1,5 ísl í eina danska, Á TVEIM árum !! framhaldið þekkjum við, þetta hefur EKKERT með gjaldmiðilinn að gera annað en það að rangt fólk fer með völdin við stýra honum, gangi Ísland í myntbandalag, hefur ENGINN íslendingur lengur vald yfir gjaldmiðlinum, en auðmannaklíkunni verður umbunað fyrir valdafsalið.

Glöggur lesandi tekur væntanlega eftir að ég setti (?) aftan við "skuldurum í hag" hér ofar, ástæða þess er að ég er ekki alveg sammála þessu eiginlega, þetta leit bara svona út um tíma, allt snerist þetta um að ná sparifénu af eigendum þess, koma því í húsbyggingar á sem stystum tíma og skapa neyslu sem blindaði okkur bæði þá og síðar.

Svo ef litið er tilbaka, gott fólk, þá sýnir sagan hverjum hefur alltaf verið bjargað úr snörunni á krepputímum, meðan almenningur og gjaldmiðillinn voru látnir taka tapið.

Það er því engum vafa undirorpið, að "votir draumar" um myntbandalag, að ekki sé sagt ESB aðild, eru tilkomnir af tveim höfuðástæðum, uppgjöf þeirra sem þjóðin kaus til taka til og skapa réttlátt og manneskjulegt samfélag, uppgjöf, vegna þess að þau treysta sér ekki, hver veit hversvegna ?, í slaginn og uppgjörið sem til þarf, og velja heldur að afsala fullveldinu í hendur erlendra aðila sem núa sér um hendur og sleikja útum í væntingunum um auðlindir þjóðarinnar, hin höfuðástæðan kemur annarsstaðar frá, stundum dulbúin, en oftast ekki nú síðustu vikur og mánuði, þeir sjá sér nefnilega leik á borði "ræningjarnir" að til lengri tíma litið muni hag þeirra best borgið í myntbandalagi á borð við evruna, sviftir völdum að vissu leiti, en "ránið" tryggt áfram.

En kannski er tilveran á afturþóftunni ekki svo afleit eftir alltsaman

Þetta eru náttúrulega bara hugrenningar brottflutts gaflara, sem sér hlutina með sínum augum (og annarra stundum) er meira en tilbúinn að fá gagnrýni og andsvör við þessu.

Bíð þar með góða nótt úr (veður) blíðunni hér í S.Noregi

KH

 

Norðmenn græða á myntsamstarfi

Hægri, Vinstri, Samvinnuhreifing, Markaðslausnir,Ríkisrekstur, Frjáls félagastarfsemi...

Hugmyndirnar eru margar og sitt sýnist hverjum, í virku lýðræðisríki á þetta líka að vera þannig.

Í VIRKU lýðræðisríki, myndi skiftingin milli þessarra þátta stillast inn sjálfkrafa eftir fylgi og óskum borgaranna sjálfra, en það er því miður töluvert í land ennþá að hægt sé að nota orðið "virkt lýðræði" um Ísland enn sem komið er.

Það eru sterk öfl sem eiginlega ráða landinu og áherslunum á því hvert og fyrir hvern fjármagnið fer, og hafa ráðið því síðan haustið 2008 (eiginlega fyrir þann tíma líka) á þetta bendir Lilja í orðum sínum um AGS og VG, vel vitandi reyndar að úr því AGS var boðið til landsins, áttu hvorki VG né aðrir annarra kosta völ en gegna, svona er það bara þegar vöndurinn er kysstur.

Nýtt afl í stjórnmálum er svosem ágætt, en eitt og sér einskis virði ef fólkið sjálft ekki er með meir en hingað til, stjórnmál/pólítík og frjáls félagastarfsemi (sem er auðvitað ekkert annað en pólítík) getur verið og á að vera tæki fólksins, við getum sjálfum okkur um kennt að láta nokkra fáa "stela" þessu tæki frá okkur, það er ekki nóg að krossa við einhvern bókstaf á kjörseðlinum, gjarnan af gömlum vana, fara svo heim, í vinnuna eða hvaðeina og segja svo "jæja ég er búinn að gera mitt, nú sjá mínir menn/konur um þetta" ekki satt ? hvað segir sagan okkur ekki !

Það að lýðræðið virkar betur í þeim löndum sem eðlilegt er fyrir Ísland að bera sig saman við, og afkoman betri, er ekki vegna þess að þegnar í þeim löndum voru "heppnari" með sína leiðtoga, heldur eingöngu vegna miklu meiri þáttöku borgaranna í pólítíkinni, það er ekki endilega vegna betri kjörsóknar, heldur hvernig fólk daglega tekur þátt, í gegn um allskyns félagsstarfsemi, stéttarfélögum og ýmisskonar hagsmunasamtaka, en ekki síst með ströngu aðhaldi á sína kjörnu fulltrúa, ströngu aðhaldi í gegn um flokksstarfsemi, ekki síst ungliðahreyfingarnar.

En hvað kom fyrst eggið eða hænan ? spurningin kom mér í hug vegna þess að ég geri mér grein fyrir að eins og vinnuálagið er á Íslandi, er auðvitað ekki mikil orka eftir að 10 til 12 tíma vinnudegi lýkur, til að sinna pólítík, félagsstarfsemi né aðhaldi, þar liggur örugglega hluti af skýringunni, en því þarf þá að breyta, skapa skilyrði fyrir mannlegra lífi, þar sem allir eiga möguleika á mannsæmandi lífi án þess að slíta sér út eins og þræll.

Hægri,Vinstri,Samvinnuhreyfing,Markaðslausnir,Ríkisrekstur,Frjáls félagastarfsemi eru ekki lykillinn að breyttu samfélagi, heldur verkfærin sem við notum til að reka samfélagið með, nei það er þáttaka í lýðræðinu sem er lykillinn, ef það er það sem Lilja er að hvetja til með því sýna fram á hvað hægt er að gera ÞEGAR lýðræðið er orðið virkara en í dag, er ég henni hjartans sammála.

MBKV frá Noregi

KH

     

„AGS varð besti vinur VG“