Viðbrögð "Íslands" ??

Það er ekki létt fyrir hvorki Árna Þór, né aðra ráðamenn, að koma fram fyrir hönd Íslands, á erlendri grund í dag, eftir að hafa att fólki gegn hvert öðru í skotgrafarstríð um allt og ekkert, mest ekkert mikilvægt, er nú þjóðin sundraðri en nokkru sinni fyrr, þeir eru ekki öfundsverðir í því efni nei.

En svo er spurningin um hvað og hversvegna er þjóðin sundruð ? er þjóðin sundruð um það sem teljast grunngildi og mannsæmandi lífsskilyrði ? er þjóðin sundruð um það hvað það þýðir að vera stolt og uppreist þjóð meðal þjóða ? er hún sundruð um að mikilvægustu verkefnin, verkefnin sem eiga að koma fyrst af öllu er að koma landi og þjóð af "hnjánum" efnahagslega og það fyrst og fremst fyrir eiginn rammleik ? held ekki, ekki frekar en að hún sé sundruð um að nú sé nóg komið af því að kjörnir fulltrúar hennar á þingi og annarri stjórnsýslu, hætti "karpinu" um allt og ekkert og taki saman höndum um að gera landið að því sem öll skilyrði eru til staðar að geti orðið, land sem brauðfæðir ekki aðeins þegna sína heldur land sem er gott að ala börn upp í, mennta sig í, atvinnulífinu verði sett skilyrði til að blómstra, auðlindirnar jafnt á landi og sjó, ásamt mannauðnum nýttar þegnunum til hins besta, land sem gott er búa í hvort sem maður er ungur eða gamall, hraustur eða lasinn, land sem veitir öryggi á öllum æviskeiðum jafnt hvað varðar löggæslu, slysavarnir og almannatryggingar.

Ég get ekki séð fyrir mér þann kjósenda eða þingmann, né ráðherra sem ekki er sammála þessu, deila má um leiðina að markinu, en fyrst þarf að komast á byrjunarstrikið, og eins og er þá er langt í það, langt og vonlítið á meðan karpið "blindar" bæði borgarana og þingheim, blindar þannig að grunngildin og það sem allir eru eiginlega sammála um hverfa í þoku þrasins.

En því miður er litla von að hafa af þingheimi er ég hræddur um, ekki það að stjórnarandstæðingar séu hótinu betri í karpinu um allt og ekkert, enginn vandi að finna fram dæmi um það, en svona séð í ljósi þessarra "viðbragða" sem Árni Þór talar um, vil ég benda á blogg Marðar Árnasonar fyrr i dag á eyjunni, að hann, eftir að vera búinn að "skara" svo hressilega í eldi sundrungarinnar, eins og hann gerir í blogginu, leyfir sér að klykkja út með að hvetja til samstöðu allra, samstöðu um HVAÐ ? grunngildin, það sem allir í raun óska sér, nei samstöðu um aðildina að ESB !

Nei vonina er ekki að finna niður á þingi, né í stjórnarráðinu, hún er í okkur sjálfum, hættum að láta narra okkur í þetta karp, hættum að hlusta á þá sem eru að æsa okkur og hvern annan upp allann liðlangann daginn, hlustum á eigið hjarta, hvernig samfélag viljum við að sé í grunngildum ? getum við skapað það af eiginn rammleik ? AUÐVITAÐ verður svarið, og þá er komið að því ÞEIR hlusti á okkur, tökum í lurginn á okkar mönnum á þingi sama hvar í flokki sem er og heimtum það sjálfsagða, uppbrettar ermar og vinnu fyrir þjóðina, með þjóðinni að byrjunarstrikinu, þá er verkið strax hálfnað, svo má byrja á heilbrigðann, lýðræðislegann og sjálfsagðann hátt ræða leiðirnar og áherslurnar, sem stolt og uppreist þjóð eiga íslendingar í engum vandræðum með að komast að samkomulagi um slíka hluti allt eftir vægi áhersluaflanna sem koma þá í ljós í næstu kosningum, þar með talið hvort eigi að ganga í þetta bandalagið eða hitt og hvernig og hversvegna eigi að gera það eða ekki.

Ég geri mér fyllilega grein fyrir því að vissir aðilar halda því fram að endurreisnin sé einungis möguleg með inngöngu í ESB, Mörður meira að segja spáir/hótar endalokum endurreisnar "fyrir  kosningar" (?) ef aðildarviðræðum verði hætt !! lesið bara bloggið hans, þessu er bara til að svara að það að koma að aðildarviðræðum á lokastigi, svo sundruð sem þjóð og þingheimur er, koma "á hnjánum" efnahagslega, koma með óuppgerð mál á við Icesave og makríldeiluna í farteskinu, getur tæplega talist góð samnings"taktík" svo allt í allt, það er gífurlegt verk að vinna, verk sem enginn gerir fyrir þjóðina nema hún sjálf, þetta vitið þið og sjáið ef þið stingið puttunum smástund í eyrun, til að útiloka "síbiljuna" frá Austurvelli, og hlustið heldur á eigið hjarta.

Góðar Nótt

MBKV

KH

Ræddu viðbrögð Íslands