Er Lilja að verja verðtrygginguna ?

Nei ! ég trúi því engann veginn, hún er að leggja til að verja heimilin og styrkja krónuna, sem er í anda þessarar mætu konu, en hversvegna talar hún um verðtrygginguna sem eitthvað óhjákvæmilegt sem þjóðin þarf að aðlaga sig að og velja hvar og hvernig þessi óáran gerir minnst eða mest skaða ?

Þetta er álika og við stórfljót væri að eiga, deilt væri um hvert ætti að veita farveginum, yfir landareign stórbóndans sem leiguliðarnir hafa sitt lífsviðurværi af að vinna fyrir, eða yfir kot og matjurtargarða leiguliðanna.

Nei ! verðtryggingin er ekkert náttúruafl, verðtryggingin var sköpuð í örvæntingu á tímum óðaverðbólgu og þegar lausafé fjármagnseigenda brann upp vegna þess að vextir voru ekki notaðir til að stilla af ofhitnun hagkerfisins, síðar meir er hún alfarið orðið tæki fjármagnseigenda til að kreista sem mest útúr almenningi og færa til braskaranna.

Ef við gætum beislað náttúruöflin þannig að þau yllu engum skaða, hvorki ríkum né fátækum, myndum við líklega gera það, við GETUM beislað "nátturúaflið" sem kallað er verðtrygging, en gerum ekki, hversvegna ekki ?

MBKV

KH

Gengið hækkar með niðurgreiðslu lána

Athugasemdir

[Gunnar Heiðarsson, 7.4.2012 kl. 11:00]

Eitthvað lest þú fréttina öfugt Kristján. Lilja er einmitt að sýna fram á fáráðnleg verðtryggingin er.

[Kristján Hilmarsson, 7.4.2012 kl. 14:40]

Eitthvað lest þú pistil minn öfugt Gunnar, ef þú leggur þennann skilning í hann.

En hvað varðar það að Lilju og "Samstöðu" finnist verðtryggingin "fáránleg" skoðaðu bara stefnuskránna hjá þeim, undir  lið 8: Neytenda, húsnæðis og lífeyrisjóðsmál:"Samstaða vill að verðtrygging neytendalána (bara neytendalána?) verði afnumin og.. " semsagt líta á verðtrygginguna sem eitthvert náttúrulögmál, sem þarf að veita/stýra hingað og þangað, eða hvað sýnist þér við nánari athugun Gunnar ? 

Ef henni nú virkilega finnst verðtryggingin "fáránleg", sem ég reyndar bæði vona og held, hversvegna ekki segja það afdráttarlaust ?

Í lið 7: Efnahagsmál stendur ekki stafur um verðtrygginguna, en ekki taka mín orð sem heilagann sannleika, hér er hægt að sjá þetta í annars ágætri og að mörgu leiti nýþenkjandi stefnuskrá: http://www.xc.is/grundvallarstefnuskra .

Er nefnilega hræddur um að þú hafir lesið pistilin minn, (ef þú hefur þá lesið hann yfirhöfuð) litaður af spurningaforminu í fyrirsögninni, en fullyrði auðvitað ekkert, eitt er gott að sjá í þessu, og það er að við virðumst vera afdráttarlaust sammála um fáránleika verðtryggingarinnar, bara að vona að fleiri og fleiri taki sömu afstöðu til óhæfunnar sem þetta er.

MBKV og Gleðilega Páska

KH