Norðmaður á sömu skoðun og íslendingar.

Undirritaður var svona hálft í hvoru að huga að bloggi við fréttina, en hætti við þar sem hún eiginlega ekki tengdist makrílnum beint, heldur þessu ESB aðildarviðræðum, en las svo blogg Kristins Péturssonar um efnið makríll, frábær pistill og athyglisverður.

Ég var nefnilega ða lesa páskaútgáfu "Finansavisen" sem Trygve Hegnar góður fjármálasérfræðingur gefur út hér í Noregi.

Í þessari útgáfu er einmitt grein um makrílinn og deilu ESB og Noregs, annarsvegar, við Ísland og Færeyjar hinsvegar, rætt er við Inge Halstensen einn sá stærsti í síldar og makrílveiðum í Noregi, hann kemur inn á vandamál sem ég hef aldrei séð nefnt í íslenskum (né norskum heldur) fjölmiðlum varðandi málið, en getur svosem verið að ég hafi misst af því, en það er hvernig fullyrðingarnar um ofveiði hafa fengið samtökin MSC ( Marine Stewardship Council) til að draga til baka sína viðurkenningu/merkingu á makríl frá ESB og Noregi, allt vegna óleystra samninga við eyríkin 2 Ísland og Færeyjar, byggt á ráði fiskifræðinga, þetta vegna fullyrðinga um ofveiði og þar með skort á sjálfbærni.

Halstensen segir sem er að MSC er ekki með neitt vald til að stöðva veiðar,né gera aðrar aðgerðir, en eins og málum er komið í heiminum í dag, eru kaupendur sjávarafurða mjög upteknir af þessari viðurkenningu, þessvegna er bæði Halstensen og Jan Otto Hoddevik, forstjóri Norway Pelagic, stærsta útflutningsaðila Noregs á makríl m.m., áhygjufullir varðandi markaðina vegna missis á viðurkenningu MSC.

Halstensen kemur svo með það sem er athyglisvert fyrir bæði Ísland og Færeyjar, nefnilega það að hann stórdregur í efa að fiskifræðingarnir hafi rétt fyrir sér, þessu til sönnunar bendir hann á að þeir segji á hverju ári að "ef þið farið ekki eftir okkar ráðgöf, þá hrynur stofninn vegna offveiði", Halstensen bendir svo á að yfir fleiri ár er munurinn á ráðum fiskifræðinga annarsvegar og raunveiði hinsvegar (samtals ESB,Noregur, Ísland og Færeyjar) um 500.000 tonn !!, þetta sé besta sönnunin á því að stofninn sé í algeru methámarki, og klykkir út með að svokölluð "ofveiði" íslendinga og færeyinga sé besta sönnunin á þessum rangtúlkunum fiskifræðinganna.

Þegar maður svo skoðar þessar skýringar hins reynda útgerðarmanns (hann er 67 ára) í samhengi með því sem Kristinn er að skrifa í pistlinum sínum, verður myndin enn skýrari, ég hef nefnt áður að það má til sanns vegar færa að samninganefndir Ísland og Færeyja hafi mistekist í þvi að færa fram augljós og góð rök fyrir miklu hærri kvótum en boðið er af hálfu ESB og Noregs, en eftir að hafa lesið pistil Kristins, þá verður ekki séð að þeir hafi farið til samninga með nógu góð og rökstudd rök, frá eigin fræðingum.

Enda mikið órannsakað hvað varðar makrílinn, magn, fæðukerfi og ekki síst ferðamynstrið, á meðan eiga íslendingar bara halda sínu striki, byggt á reynslu manna sem ekki eru að giska og geta sér til um hlutina, það að makrílstofninn ekki er hruninn, er besta sönnunin á því að óhætt er að taka svo mikið sem gert er í raun, eftir stendur að semja um skiftinguna samt.

Ein lítil pæling að lokum, byggð á því hvernig þessi norski útgerðarmaður er sammála íslendingum um metstærð stofnsins, er handviss um að það er lítill meirihluti af norskum ráðamönnum, sem ekki vill ganga mun lengra í að gefa bæði íslendingum og færeyingum meiri kvóta, svo til slá "kíl" milli ESB og Noregs, því ekki að bjóða norðmönnum nokkuð góðann makrílkvóta á ársbasis í ísl. lögsögu, ekki fyrir ekki neitt auðvitað, og láta þá hjálpa til við að "grisja" ránfiskinn um leið.

MBKV

KH

Gæti tafið ESB-viðræðurnar