Góð áhöld eru gulls ígldi

Svona fréttir ylja gömlum útfluttum frónbúa, ylja en vekja enga undrun, maður veit að það finnst fullt af fólki með sköpunargáfu og áræði til hrinda þeim í framkvæmd, á Íslandi.

Þegar ég kom hingað til Noregs 1985, var að mörgu leiti eins og að koma í annann heim og að sumu leiti ekki, eitt af því sem kom manni mest á óvart voru móttökurnar sem maður fékk í bönkunum, nú skal satt segja að á þessum árum í Noregi, lágu lánin laust og afleiðingarnar af því komu svo að fullu í ljós 1992, en það að auðvelt var að fá lán, var ekki endilega það sem kom mest á óvart, heldur hvernig var að því staðið, allavega hjá "okkar" banka.

Það var farið með manni (ekki fyrir mann) í gegn um fjárfestinguna, í okkar tilfelli nýbygging af einbýlishúsi tilbúið til að flytja inn í, með öllum innréttingum og tækjum, bara það eitt var nú ekki sjálfsagður hlutur á Íslandi á þeim tíma, við fórum saman í gegn um greiðslugetuna miðaða við tekjur og lánstíminn stilltur þannig að kaupgetan væri í samræmi við viðunandi afkomu í hverjum mánuði.

Tekið skal fram að "okkar" banki var sparisjóður í sveitarfélaginu, ekki einn þeirra þriggja sem "rúllaði" í krísunni 1992, en við verðfallið sem varð á fasteignum í þeirri krísu, hækkuðu vextir töluvert og þar sem við vorum allnokkuð skuldug, varð þetta strembið og eilífur slagur við hver mánaðarmót að ná endum saman, þá kynntumst við heimilisbókahaldi, ekki svona rafrænu eins og notast er við dag, heldur stöðluð "skjöl" sem bankinn lét okkur í té, skjöl sem gerði manni auðveldara að dreifa öllum útgjöldum ársins á 12 mánuði, þannig að þar með vissi maður hvar maður stóð gagnvart tekjunum og hvað þurfti að leggja fyrir á mánuði til að eiga fyrir "toppunum" þegar þeir komu hér og þar á árinu.

Auðvitað var fólk á Íslandi 1985 og fyrr sem kunni þetta og gerði, en ég þekkti engann, allir í skyldmenna og vinahópnum keyrðu á "þetta reddast" kerfinu, "reddaðist" hjá sumum, hjá sumum ekki.

Tilbaka til MENIGA og hugbúnaðar þeirra, þeir hljóta að hafa þróað eitthvað sem fellur vel í smekk, eitthvað betra og jafnvel hagstæðara en það sem fyrir var á markaðnum (t.d.Mamut).

Svo kemur stóra spurningin, geta svona hjálpartæki fengið fólk  til að hugsa öðruvísi en gert var á árum áður, "þetta reddast" auðvitað var sú hugsun tilkomin vegna verðbólgunnar fyrr á árum, verðtryggingaróskapnaðarins, óstöðugleika og óstjórn efnahagsmála og ekki síst lánasukksins fram að hruni.

Við vorum heppin að lenda hjá traustum sparisjóði á sínum tíma, veit sannarlega ekki hvort maður hefði haft rænu á að standa gegn "lánasölumönnum" stóru bankanna í lánasukki norðmanna á árunum 1985 til 1992, maður hefði kannski látið glepjast til að kaupa nýjann bíl, byggja helminga stærra hús en við þurftum og sitja svo skuldugur margfalt yfir greiðslugetu og það þrátt fyrir að ekki voru boðin hvorki verðtryggð né myntkörfulán hérna á þessum tíma, í staðinn var þetta bara svoldið strembið í 3 til 4 ár og síðan búið að vera leikur einn, en margir þeir sem létu glepjast, misstu allt og sátu eftir samt með stórar skuldir, kunnuglegt ??

Til hamingju MENIGA ! til hamingju með þessa viðurkenningu sem liggur í því að þið eruð búnir að koma þessu á markað, til hamingju íslendingar ! og notið nú tækifærið og notið nú þetta frábæra hjálpartæki, það getur verið og verður örugglega "sjokk" að uppgötva stöðuna í allri sinni hræðilegu mynd, en hvernig á leysa vandræðin, með eða án hjálpar, ef maður þekkir ekki vandamálið ?.

MBKV

KH

Meniga semur við Skandiabanken