Klukka sem stendur....

"Klukka sem stendur, sýnir réttann tíma tvisvar á sólahring" þannig getur "stöðnuðum" pólitíkusi ratast satt á munn inn á milli.

En það er sama hvaðan gott kemur, gott er gott sama hvað !

Er einnig viss um að þessi skoðun sem Sigmundur Davíð hér gerir að sinni og Framsóknar, er gegnumgangandi til í fleiri flokkum og eiginlega samfélaginu öllu, en er haldið niðri af ástæðum og öflum sem hafa fengið að ráða og stýra umræðunni alltof lengi.

Þetta er það sama og "Samstaða" Lilju og félaga hefur verið að reyna að segja okkur, en ég hef líka séð þetta sett fram í nokkur ár núna, af t.d. stórbloggaranum og baráttumanninum Ómari Geirssyni sjálfur hefur undirritaður stutt þetta bæði í eigin bloggi og hjá t.d. Ómari, en slagkraftur minn á moggablogginu ekki verið slíkur að neinu muni, en hver einn sem les og sér slíka hvatningu, er hver og einn, eitt fræ sem vonandi spírar og grær.

Svo hvort Sigmundur & co hafi fengið hugmyndina á síðum réttsýnna bloggara eða náð að hugsa þetta upp á eigin spítur, skiftir ekki máli, GOTT ER GOTT !! sama hvaðan það kemur, nú er boltanum varpað, frá bæði Samstöðu og Framsókn, eru þið hin til í að mæta til leiks, mæta til leiks á heimavelli, heimavelli Íslands, og berjast samhent fyrir Ísland og íslendinga, berjast fyrir grunngildunum sem við öll erum eiginlega sammála um, bara ef við hvílum deilumálin aðeins, þau fara ekkert, og setjumst saman við að byggja Ísland upp.

Enda þetta á því að tilvitna í Sigmund sjálfann, ekki láta þessi góðu orð falla i grýtta jörð landar góðir þó einhverjum ykkar finnist þau kannski koma úr tortryggilegri átt, munið að "Klukka sem stendur...osfrv."

"Tækifærin eru óteljandi, bæði stór og smá, og auðlindir landsins eru svo miklar að enginn Íslendingur á að þurfa að líða skort. Hið stórkostlega land okkar býr yfir nægum gæðum fyrir okkur öll. Við þurfum bara að grípa tækifærin, nýta auðlindirnar skynsamlega og tryggja að allir þegnar samfélagsins fái að njóta afrakstursins,"

MBKV

KH

Íslendingum allir vegir færir

Athugasemdir

[Ásthildur Cesil Þórðardóttir, 28.4.2012 kl. 16:42]

Einmitt Kristján þarna mælist Sigmundi vel, það er gott mitt í öllu sífrinu í Jóhönnu og kó að heyra í fólki sem hefur trú á landi og þjóð.  og ég tek fyllilega undir þann hljóm, megi hann óma sem víðast.

[Helga Kristjánsdóttir, 29.4.2012 kl. 02:31]

Nú erum við sammála,nákvæmega sama hvaðan gott kemur. Ég er afskaplega ánægð með að Lilja klauf sig frá svikalokknum.