Ekki bara vegna Icesave !

Það eru fleiri ástæður en þetta "meðgöngumál" ESB að Icesave málinu, til að Ísland ætti að skoða af alvöru að stoppa í bili, eða allavega setja í bið einhvern tíma, aðildarviðræðurnar að sinni, þó mest sé látið vegna þess akkúrat núna.

Það var greinilega allt að stoppa af sjálfu sér hvort eð er vegna tregðu ESB til koma með klárar tillögur varðandi fiskveiði og hafréttarmál, að hluta sjálfsagt vegna óleystrar deilu bandalagsins við Ísland og Færeyjar um makrílkvótana, það breytir engu þó "heittrúaðir" ESB sinnar segi málin ótengd, en einnig af ókunnum ástæðum, sem verða ókunnar á meðan ekkert kemur upp úr "hattinum".

Þetta mál er svo mikilvæg vitneskja fyrir þjóðina, að allt sem hingað til hefur komið á borðið er ekki einusinni helmingur í vægi, varðandi ákvörðun og endanlega umsögn þjóðarinnar þegar þar að kemur.

Annað mál er hvers krafist verður af Íslandi, hvaða köfur og skyldur sem aðili að ESB er ætlast til að land og þjóð uppfylli ? á þá ekki við "status" við inngöngu, heldur gildandi og viðvarandi, eftir hugsanlega aðild.

Nú má vera að þetta liggi fyrir einhversstaðar aðgengilegt til lesningar, fæ þá vonandi ábendingu á það, en umræðan hingað til hefur nánast öll snúist um, annarsvegar að ESB sé "hvíti riddarinn" sem frelsar þjóðina úr ánauð spillingar og auðvalds, hinsvegar að ESB séu "glæpasamtök" fárra öflugra ríkja sem enda með að mergsjúga upp og taka yfir allt sem heitir auðlindir, að ekki sé talað um frelsið og sjálfstæðið.

Meðan umræðan er á þessu plani í samfélaginu, mun væntanleg þjóðaratkvæðagreiðsla um aðild, hvernig sem hún fer, vera algerlega út í hött, ákvörðun hvers og eins byggð á öfgum og hreinum lygum.

Síðasta ástæðan að mati undirritaðs, er svo sú að það var farið af stað á alröngum forsendum  með þetta, þetta undirstrika aðalrök aðildarsinna kyrfilega, semsagt að þetta sé það besta fyrir land og þjóð varðandi endurreisnina eftir hrun, að ganga til samninga um aðild að samtökum sem eru svo umfangsmikil og ekki síst óvíst hvar enda í formi og samsetningu er kolrangt á slíkum forsendum, að ganga til slíkra samninga verandi "á hnjánum" efnahagslega, er einmitt EKKI góð samningstaktíkk.

Þjóðin verður auðvitað að fá að segja sitt fyrr eða síðar,  og þá er þjóðaratkvæðagreiðsla eina leiðin, skoðanakannanir duga þar ekki til, sundrungin sem þetta hefur skapað hverfur ekki fyrr, en þá verður ALLT að vera á borðinu og miklivæg deilumál eins og makrídeilan og Icesave til lykta leiddar. 

Margir benda á að þetta aðildarferli sé búið að sundra þjóðinni, jafnvel meir en nokkru sinni fyrr, það er líklega rétt hvað varðar allavega þetta mál, verra er að sundrungin er miklu víðtækari en svo, miklu meiri en heilbrigð og lýðræðisleg umræða um áherslur á að vera og getur verið, þetta vegna þess hvernig næsutm ALLT í þjóðfélaginu er tengt þessu aðildarferli á einn eða annann hátt,  hvernig  allt muni ýmist versna eða batna við aðild.

Þetta er kannski miklivægasta ástæðan til að "bremsa" aðeins, reyna heldur að virkja alla GÓÐA krafta í að sameina bæði þingheim og þjóðina um þau mál sem við innst inni erum sammála um í raun, þetta með hvað við teljum vera gildismatið á góðu samfélagi, samfélagi sem gott er að lifa í fyrir alla þegnana, ungan sem gamlan, hraustan sem veikann, hægrisinnaðann sem vinstrisinnaðann, trúaðann sem trúlausann, en næðið sem til þarf til komast að þessum einfalda sannleika, er ekki til staðar á meðann aðildarferlið og umræðan er á því plani sem reyndin er í dag, svo notið nú tækifærið aðildarsinnar og bremsið, helst stoppið alveg í bili, andstæðingar ! í stað þess að halda áfram að "hlakka" yfir því sem einhverjum sigri ykkar, sýnið þá drenglund að meta það ef gert verður og taka svo höndum saman við að (endur)reisa samfélagið eins og kostur er fram að því að viðræður verði teknar upp aftur, set "endur"reisa í sviga, því enginn vill í raun tilbaka til síðustu áranna fyrir hrun, er það? Það er hægt að lifa góðu lífi á Íslandi án þess að keyra allt um koll aftur.

MBKV

KH

Endurskoði aðildarviðræður