"Hótanir og þvinganir" ESB

Það er ýmis "taktík" í gangi varðandi ESB umræðuna, á báða bóga og ekki allt jafn málefnalegt, menn taka úr samhengi, breyta orðalagi í þýðingu og svo svona smá klisju dæmum bætt inn í.

Tek fram að ég sé þetta hjá báðum búðum og kannast við þetta frá umræðunni í Noregi fram að þjóðaratkvæðagreiðslunni um aðild Noregs að ESB 1994, svo sem ekkert við þetta að athuga hvað varðar meðal Gunnu og meðal Jón, báðar búðir hafa aðgang að sömu "vopnunum" það sem er leitt í þessu er að hætt er við að fólk gangi til atkvæðagreiðslu á kolröngum forsendum, forsendum sem hafa ekkert með aðild til eða frá að gera, það skeði í Noregi, margt af því sem haldið var  fram að myndi/myndi ekki, ske ef ekki yrði gengið í ESB, skeði samt, veröldin er hverful ekkert varir að elífu.

En þó maður semsagt kippi sér ekki upp við að "fólk á förnum vegi" teygji sannleikann aðeins, er annað upp á teningnum varðandi kjörna fulltrúa og ábyrgðamenn sem kosnir eru til að fara með mikilvæg mál þjóðarinnar, þeir eiga að ganga í broddi fylkingar í sannleika og málefnalegri umræðu um svona mikilvægt mál sem þetta er.

Og þarna er Jón blessaður kominn aðeins útfyrir það sem hægt er að kalla málefnalegt og satt, eins og þegar hann annarsvegar skrifar þetta:

Sjávarútvegsráðherra Íra segir það sína skoðun að ekki eigi að opna á aðildarviðræður við Íslendinga um sjávarútvegsmál fyrr en íslendingar hafa beygt sig fyrir kröfum ESB í makríldeilunni. Fleiri forystumenn í ESB löndum hafa lýst sömu skoðun og krafist eftirgjafar Íslendinga.

Akkúrat !! en hér er svo hvað Simon Covney eiinlega segir :"

As EU member states moved yesterday to expedite trade sanctions against Reykjavik over the catches, Minister for the Marine Simon Coveney warned that the dispute could jeopardise the opening of accession talks with Iceland on fisheries policy generally.

Lesa má meir HÉR

Semsagt að deilan (makríldeilan) geti "eyðilagt" byrjunarviðræður milli Íslands og ESB varðandi sjávarútvegsmál, sá sem sér hótun á íslendinga í þessar staðreynd þarf að lesa sig til aðeins betur, þetta er bara einföld staðreynd sem Coveney bendir á, enda held ég að ótti Jóns sem ESB andstæðings sé sá að hann sér að, ef einhver "hótun" finnst þarna, þá beinist hún meira gegn ESB varðandi aðildarviðræður en Íslandi, og aðildarsinnar geta notað þessa hótun til að ná enn betri samningum varðandi sjávarútvegsmál en annars.

Því það liggur í augum uppi að einmitt sjávarútvegshlutinn af aðildarviðræðunum er sá sem íslendingar eru mest tortryggnir um, þannig að ESB,sem enginn vafi er um að óskar Ísland inn í samtökin, passa sig að ganga ekki of langt í "hótunum" og þvingunum til auka þá tortryggni enn meir.

Ekki batnar það hér:"
ESB hefur sett skilyrði fyrir samningum við Íslendinga um makrílveiðar sem eru með öllu óaðgengilegar og myndu kosta þjóðarbúiið milljarða í töpuðum tekjum. ESB fylgir óbilgirni sinni eftir með hótunum um víðtækar viðskiftaþvinganir.

"Víðtækar"viðskiftaþvinganir og "Óbilgirni" einmitt jú það eru uppi tillögur um löndunarbann á makríl í ESB höfnum svo lengi sem deilan er óleyst, slíkar aðgerðir eru fullkomlega í samræmi við lög og reglur ESB og EES (sem íslendingar eru aðilar að)

Að einhverjir "gapuxar" (helst skoskir pólítíkusar) innan ESB hafi svo verið að "gapa" um "víðtækari" aðgerðir gegn íslendingum, verða þeir bara að standa og falla með sjálfir, af ástæðum sem bent er á hér framar, eru engar eða hverfandi líkur á því að ESB gangi lengra en reglur og samþykkt milli landanna leyfir.

"Óbilgirni" hún er nú á báða bóga, þessvegna er ekki samið enn, hafandi sagt það þá er ástæða íslendinga fyrir óbilgirninni augljósari en hjá ESB, þarna hafa talsmenn Íslands"klikkað" á því að sannfæra andstæðingana í deilunni, jafnt og hugsanlega bandamenn, um þetta sem allir íslendingar eru sammála um "makríllinn leytar inn í íslenska lögsögu sem aldrei fyrr og heggur stórt skarð í þá stofna sem fyrir voru, það eru góð rök og ber að fylgja eftir, en tíminn vinnur með íslendingum í þessari deilu, ESB hefur engin hættuleg vopn að beita í þessu, þvert á móti sitja íslendingar með alla ásana, einmitt vegna áhuga ESB á því að fá Ísland inn í bandalagið.

Verið nú svo væn og fjallið um þessi mál með aðeins minni "bjögun" og meiri staðreyndum og sannleika, annars er hætt við að vopnin snúist í höndum ykkar sem eruð á móti aðild, þeir sem eru með aðild sömuleiðis, því sama hvernig hugsanleg þjóðaratkvæðagreiðsla um málið fer, þá yrði útkoman til skammar ef hún byggðist á rangfærslum og staðreyndafúski.

Til að taka af allann vafa um skoðun undirritaðs á annarsvegar ESB aðild, þá er svosem kannski best að klára viðræðurnar ef hægt er, en stoppa svo, beina öllum kröftum að því að rétta úr kútnum og þjóðin geti gert sína skyldu í þjóðaratkvæðagreiðslu standandi upprétt en ekki á hnjánum efnahagslega, það er nefnilega ein blekkingin, að allt verði bara "Goody" við aðild, hinsvegar varðandi Makrílinn, standi á sínu, en leggja vinnu og áherslu í "hamra" inn í hausinn á andstæðingunum og öðrum, sjónarmið íslendinga, tíminn vinnur með íslendingum þar.

En fyrst og fremst reynið að fá umræðuna á hærra plan, uppúr skotgröfunum, hætta að eyða orkunni í karp sem gjarnan má bíða, en fyrst og fremst reynið að samaneinast um það sem létt er að sameinast um, koma landinu úr kreppunni, með því að enbeita sér að verðmætunum og gildismatinu sem flest okkar eru sammála um hver eru, tími "búsáhalda" og eggjakasts er liðinn, nú er að sameinast allir góðir kraftar innan flokka sem utan, segja kjörnum fulltrúum hvernig við viljum hafa þetta og endurreisa lýðræðið og velmegunina á Íslandi.

MBKV

KH

Danir ráða ekki við makríldeiluna